其實香港很多靚景，這次想推介一下一個不辛苦又可享受靚景的行程，最正係唔洗流住大汗咁扮日系偽文青，嘻嘻！
從粉嶺站下車走到附近的小巴站，中間會有一個寫著「鹿頸」的站牌，週末等車的人較多，大概 15-30 分鐘一班，如果平日要半小時先有一班，一程就到目的地。
這個地方我都是第一次來，主要是因為近我住的地方，而且聽聞不用行上大東山也能見到芒草（注意季節性），於是便試下！
好不幸，我一開波即行錯左路，因為下車後遠遠看到一個勁靚的湖，被引誘左過去影…..個湖不比日本的差，也能拍到倒影，一下子著迷了。拍後便向著新娘潭路走，一路上都是馬路，雖然似外國幾靚下，但這條路是錯的！錯有錯著行左去一個大大草原到，立刻扮下日系偽文青影下相啦！
重拾正軌，沿路靠海邊可以邊欣賞風景邊走，不會覺得累，走了一會有紅樹林，遠遠有座大山，感覺有點像尼斯湖（即管話我誇張），在這裡休息一下細看風景也不錯。再走一段路會有一個分叉路，一邊去谷埔，另一邊去雞谷樹下，我們向著谷埔繼續前進，經過一個小森林，不久看到芒草，在準備下山的陽光映照下好美…..
大家可以嘗試繼續走，而我到達這裡便折返了，因為有點要注意，如果你離開的話，請先預早一點時間到達小巴站等候，因為只有一架小巴離開，人龍自然長到………唔洗諗住call 的士，冇人會入黎載你架！（註我等了個半小時定兩小時好似係）