頭先朋友聚會,順便補祝其中一位生日,於是去左一間叫 老鍋台式火鍋 到打邊爐。佢好近,一出尖沙咀站就係,以為開左好耐,因為我好少留意尖沙咀D大廈入面果D餐廳,原來佢好似開左兩個零月,上到去人唔算好多,但越夜越滿。
講番D食物,係真係正既,我好少寫食評,覺得真心好食先寫出黎大家分享下。(當然尋晚旺角食果間砂鍋粥就真係難食到想反枱都想寫下)佢每枱會送D油炸鬼既野,好脆,即使係放左入個煲到淥過!同雪花肥牛唔洗點醬油都好味既!其實我自己打邊爐唔係好鐘意食丸,但今次真係破例!食左個墨魚丸+牛丸併盤,忍不住encore,大粒有料勁好味!仲有d餃都值得推介~~
食完埋單價錢合理(大約200零蚊),唔好用果d $88任飲任食比較喇!最正人地食物有質素之外,仲有好服務嘛!
有興趣大家可以去試下~~
地址: 尖沙咀金馬倫道2-4號利達行4樓