坐低左一開個PAD點食物,有唔同既牛部份選擇,有好多都幾新鮮未聽過,全部都好勺鑽。好奇下我地點左D冇聽過既牛部份黎試下。除左牛之外,呢到都仲有Cocktail,個名好正,點左杯那些年我們收過的兵,味道還可以。
我地試左個酸菜湯底,點之前我對佢有點保留,所以另一邊叫左個清湯,後來食落又覺得酸菜湯底先係最正,同d牛肉好夾,跟住大家淨係食晒果邊,哈哈哈!
叫左個匙皮,即係牛上面的肩胛肉,軟林林好好食,好滑!佢有張紙寫明邊種肉煮幾耐,雖然最後都冇理到…..
跟住叫左個滑尾龍,放左隻生蛋連埋d牛肉一齊撈勻再放入去打,呢個我最鐘意食,不過每次只食一塊唔係好夠喉,因為太嫩滑了,要打孖一齊食先正
呢碟叫封門柳即係牛橫隔膜肌肉,牛味重d,但肉質都一樣係好林,亦唔肥膩。
呢個叫脖仁,聽個名都知係條頸,不過係頸中間位置,感覺有d似肥牛感,不過新鮮度很高,味道也很不同。
呢碟龍尾朋友話好好食,係牛既後腿肉,一d都唔靱,以為行得多會老d靱d,又原來唔係!
總括黎講喜歡食牛既一定唔可以錯過,價錢方便每人二百幾蚊倒啦,不過基本上好多火煱專門店都係呢d價錢,可以自己衡量下:)
616麥子
地址:尖沙咀赫德道4號The Hart 1樓
因為今次成班朋友圍埋一齊最好都應該係打邊爐,所以向佢地推介左呢間餐廳,難得大家信得過我,今次一定唔會令大家失望!
今次點左一個美人鍋同養生鍋,美顏鍋佢放左成隻烏雞做湯底,而養生鍋有很多人蔘,人蔘味亦都好重,感覺好抵!另外點了一個麻辣鍋,佢地既麻辣鍋比較溫和,唔係四川或者街果D麻辣到冇感覺果種,我呢D唔係好食得辣又想少少刺激既人完全接受到。
今次因為人多,所以點左好多上次冇試過的餸,淨係牛都叫左幾款,例如 安格斯牛肩甲、安格牛小排、A3和牛等等,每款牛都有唔同既味道,新鮮少肥,唔似酒樓無論你點咩牛都係拎果碟出黎 擺得好有心機之餘真係好好食!
人一世物一世,亦點左個加州象拔蚌刷身,彈性十足,味道鮮甜。
至於豬,其實又係我食過咁耐打邊爐覺得最好食既!因為口感同味道和其他店唔同,忍唔住問左職員,佢地話係叫杜洛克豬,是老闆親自挑選的。其實我未聽過呢種豬呀……但真係堅正,好多謝佢地咁有心機去簡d靚豬入貨。
手打丸上次已經講過有幾好食,原來傾開先知佢地店舖每日每款丸只手打100粒,賣完就冇,我地即時叫鵝肝墨魚丸同黑松露蝦丸黎試,永遠手打丸都係最好食<3呢個值得大家一試。
最後想講下呢到D侍應姨姨,態度服務實在太窩心,會久唔久走過黎睇下我地有冇野需要,又主動換D乾淨既碟比我地,令我有D唔好意思,辛苦晒佢。如果大家需要服務,張每枱都會設有一個CALL制,唔洗舉手舉到攰都冇人理。
睇到 老鍋台式火鍋 最近某D時段做緊8折,想食有質素火鍋既朋友,比次機會自己食下好野啦!
#隔左兩日又去食90分鐘火鍋放題完全不能比
#返唔到轉頭
#朋友話響鈴無敵
#仲有好多正野不能盡錄
尖沙咀金馬倫道2-4號利達行 老鍋台式火鍋
]]>