收到街上嬸嬸派的傳單,第一眼吸引我的不是那裡的環境,而是餐牌中的食物(和價錢),當時反而沒太大留意到我們去的餐廳會是怎樣,結果一出升降機,眼前是一間賣耳筒聽歌的舖頭。
以為去錯了,看名字又沒錯,原來這裡除了café,還是一間賣耳筒和播放機的店。
雖然我不知道這店舖本身是賣耳筒後來再附帶做餐廳還是本身是餐聽,後來附加產品銷售,但單看餐牌,可以選的食物也不少,飲品也很有特色。至於食物,賣相不錯,廚師很用心地煮,叫了意粉,帶點乾身,油不算多,也不太硬,不錯!如果喜歡多油的意粉朋友要注意。
細心留意周圍,每張枱都放了一個耳筒和一部機,讓你能邊吃飯邊聽音樂,同時試過覺得好,可以即時購買啦^^
11月逄星期六仲會有live night,可以邊聽live邊食野,感覺幾良好。這天沒有live band,但這裡都播放著我喜愛聽的英文歌,悠閒地享受著高清音樂,感覺很relax。而它有個live music corner不知道普通人可不可以用,如果成班朋友一齊jam歌氣氛都幾正!
後來隔離枱的人和友人後來還拿起結他彈奏,我相信這裡是音樂交流的好地方。
有外賣、午餐、下午茶、和晚餐供應
地址:銅鑼灣謝斐道506-508號聯成商業中心1樓3號舖
營業時間:星期一至日: 12:30-21:30
電話:3421 0984
其實這裡並不是真正的學校,是一間校園主題的餐廳,主要是韓國同日本菜。
一上到來,侍應安排我們坐在實驗室房,感覺非常有趣!
這裡有很多實驗室的用具,也有不同的課室,那個餐牌也設計成一本功課簿,很多食物選擇,而我特別喜歡他們的特色飲品(但略嫌細杯左少少)。
我們點的食物賣相都不錯,一起坐在課室裡吃飯感覺幾新鮮,下次可以著埋校服扮學生,哈哈哈!(講笑),門口放了一枱兵乓球枱,不過一路打一路後面都有人傳菜,打得不夠盡興,但可能人地都係用黎裝飾(汗)。櫃枱裝飾成小賣部,掛著細個時常常買的零食,不過不知道是否能購買,如果可以買些童年回憶也不錯!
是晚有個特別節目,就是有live band,免費的,好有水準,如果喜歡可以坐下點些cocktail, wine,汽水等等,在柔和的燈光下聽著音樂係正既!
如果一班同學聚舊或Gathering也不失為一個好地方!
餐廳:學園祭
地址:尖沙咀諾士佛臺1號6樓
營業時間:星期一至四: 12:00-23:00 星期五及六: 12:00-00:00 星期日: 18:00-23:00
交通:港鐵尖沙咀站B1 出口
今日放工走去行左一轉,氣氛好好,終於唔洗好似平時咁去餐廳食飯咁悶,每架美食車都佢地屬於自己的特色食物,而且有明星坐陣又有酒飲。
食野係要先唱Coins先既!
相信有看雜誌都應該知道有邊幾位明星藝人啦!稍為簡單介紹一下,包括Master Joe既 Superstar韓式小食、欣宜的Homie Cookies、黃長興既龍蝦三文治同李璨琛的Boomshack漢堡,各有特色~~
繞場一周除左呢4架美食車主打之外,入面仲有一D細既攤檔,賣唔同既野食,水準都唔錯,其中有一檔係粟米餅夾住唔同既野,個樣又彩色又靚,忍唔住都買黎試左;另外Asia Miles如果做會員有飲品送,大大杯又幾好飲!
至於美食車,我個人幾鐘意Superstar,食韓式野,佈置好有心思,雖然係小食,但味道不錯,鐘意左食佢個年糕同雞肉仲有冰菠蘿!!好彩冰菠蘿早買,晏少少去已經賣晒,食食下仲見到王宗堯!!男神都黎食呀 (心心眼) ,Master Joe亦親自招呼大家,佢個人好nice!如果大家去開可以留意下,第一架車就係。
諗唔到母親節有咩做,可以帶埋媽咪黎呢到行下,感受下呢到既氣氛啦!
香港美食車嘉年華 Hong Kong Food Truck Festivals
地址:中環鴨巴甸街元創方
日期及時間:5月4日6pm-10pm、5月5-7日11am-10pm、5月8日11am-9pm
門票:全免(場內所有飲品及食品,均以代幣換購,$10為一個代幣)