在之前,媽媽是從未看過雪的,這次來到高山她終於心願以嚐,不但感受到下雪,而且還幸運地看到了雪花,在室外竟因為欣賞下雪而不願走回室內,作為女兒的我也感到很溫暖,畢竟有時和家人分享美麗的時刻比什麼都重要。
相比和朋友去旅行,和家人去旅行的話住宿方面會比較講究,不宜太遠,不宜太差,希望她們住得舒適安心。高山的酒店以溫泉為名,其中飛驒花里之湯高山庵,不但位置方便,還有露天溫泉,那晚只有我和媽媽二人泡泉真的很寫意!天寒地凍泡個溫泉後,還享用酒店晚餐,嚐嚐高山最有名的飛驒牛,價錢都不用$1000元。
如果打算和家人朋友去旅遊,高山想必是其中一個值得感受日本文化的地方!
]]>坐低左一開個PAD點食物,有唔同既牛部份選擇,有好多都幾新鮮未聽過,全部都好勺鑽。好奇下我地點左D冇聽過既牛部份黎試下。除左牛之外,呢到都仲有Cocktail,個名好正,點左杯那些年我們收過的兵,味道還可以。
我地試左個酸菜湯底,點之前我對佢有點保留,所以另一邊叫左個清湯,後來食落又覺得酸菜湯底先係最正,同d牛肉好夾,跟住大家淨係食晒果邊,哈哈哈!
叫左個匙皮,即係牛上面的肩胛肉,軟林林好好食,好滑!佢有張紙寫明邊種肉煮幾耐,雖然最後都冇理到…..
跟住叫左個滑尾龍,放左隻生蛋連埋d牛肉一齊撈勻再放入去打,呢個我最鐘意食,不過每次只食一塊唔係好夠喉,因為太嫩滑了,要打孖一齊食先正
呢碟叫封門柳即係牛橫隔膜肌肉,牛味重d,但肉質都一樣係好林,亦唔肥膩。
呢個叫脖仁,聽個名都知係條頸,不過係頸中間位置,感覺有d似肥牛感,不過新鮮度很高,味道也很不同。
呢碟龍尾朋友話好好食,係牛既後腿肉,一d都唔靱,以為行得多會老d靱d,又原來唔係!
總括黎講喜歡食牛既一定唔可以錯過,價錢方便每人二百幾蚊倒啦,不過基本上好多火煱專門店都係呢d價錢,可以自己衡量下:)
616麥子
地址:尖沙咀赫德道4號The Hart 1樓
今晚我地簡左呢價錢比較中價既西餐廳,係食西班牙野。其實學人話齋,冇貴唔貴,只有值唔值。食過之後CP值係高既~
睇過個餐牌,都算幾多選擇,今晚點了幾個菜,先每人來一個南瓜甘荀湯,味道很甜,濃度適中,我最怕飲D太稀既西湯。
之後來個黑毛豬火腿蕃茄沙津,足料而且好大碟,食左之後令人開胃,不過份量太多我要留肚食之後既野~接著我地點左個慢煮八爪魚,再配搭一些薯仔,感覺很像我在摩洛哥時吃的tajin,令我有點懷念。八爪魚一D都唔靭,口感不錯,D汁做得好好,食落好好味。
呢個係紅酒煮西班牙肉腸紅椒,係第一次食,感覺唔錯!紅酒味唔算重,但啖啖都食到有紅酒味,必食之選!
好喇,呢個係廚師推介既:龍蝦尾番紅花燉飯,我見廚師自己都很欣賞滿意呢道菜,果然冇令人失望,隻蝦大就已經不用說,飯的硬度恰到好處,味道十分不錯!
==============
Granada
地址:元朗鳳攸南街好順景大廈3號地下13號
營業時間:12:00 – 22:00
電話: 2899 2787
其實你問我邊間最好食,我真係答你唔到,間間都好有水準,我最鐘意食黑橋牌條腸!大家可以捐款30元就可以換領滷肉飯連湯一份,叫多幾個朋友黎,一齊捐錢幫到人之餘又可以試晒咁多款滷肉飯,到時分享下邊間先係你首選丫!
台灣滷肉飯節@荷里活廣場
日期:3月31日至4月2日
地點:鑽石山荷里活廣場
]]>
第一站我們先去醫肚,感謝主人家的款待,讓我吃了一頓豐富的午餐,更讓我體驗了武漢的特色美食。
我們安排在一個裝潢得很華麗的房間用膳,大家第一眼看到房間都忍不住嘩一聲叫出來了,大家連忙舉起相機拍照,這裡𣊬間變成了景點。
每一款送上的食物十分精緻,有些吃過,有些連什麼名堂都不知道,十分獨特,但味道是絕對有驚喜!
第一餐就吃得令人如此豐富,食物質素又好,老實這個是養豬團嗎?首次來到武漢的我,對這裡的感覺和印象很美好。(本來以為這裡很落後鄉下咁⋯⋯)
雅和睿景花園酒店 (園博園店),武漢市,中國
不過我想說我們發生了一件很慘的事,就是我們其實不知道這餐廳的蟹是任食的!所以我們每人吃了一隻就收工了⋯⋯直至回酒店後聽朋友說,才知道是任食!在這裡我要告訴大家千萬不要像我們,後悔得大家整晚不能入睡。
嗚嗚⋯⋯為免大家重滔覆徹,我們來個分享文讓大家能用樜渣的價錢吃盡燒鵝的味道!先看看這張menu它全是韓文字的,圈著的這個代表任食的餐,這個餐包括了任食蟹、一碟蝦、飯、一煲蟹煱(另上公仔麵),都咪話唔多野食,物超所值!
味道方便,聽朋友說過雖然沒有Pro Soy Crab的蟹膏多,但味道同樣鮮甜,蝦的醬料也很入味,如果蝦都可以任食,就完美了!
食完手上的蝦蟹後,蟹煲也正好滾起了!先來一個蟹湯,味道不濃,清清淡淡的,中和了剛才的口味,熟了的蟹我興趣不大了,留給另外兩位中女吧,嘻嘻!覺得剛吃過醬油蟹再吃熟蟹會很沒味
這餐廳很地道,又沒有遊客,感覺不錯!想便宜地吃醬油蟹,這個選擇相信不錯
=================
和花蟹和蝦 꽃게랑새우랑
地址:首爾麻浦區土亭路 206
(서울 마포구 토정로 206)
開放時間:每日 11am – 10pm
(3:30pm – 5pm 休息)
電話:+82(0)2706 2828
這裡有很多海鷗,但不像日本那些喜歡吃蝦條,我拿了麵包餵牠們也沒有反應。早餐後我們就這樣在riad的天台欣賞海景和這裡的一切,一起拍拍照說說笑,第一次出門會待在住的地方這麼久,但實在是不想離開。
出門後決定在這裡閒逛,在舊街裡亂碰亂撞,好像愛上迷路的感覺,不用想著到那裡,放空一切,真好!肚子餓了,我們便走到海邊買海鮮煮,選了好幾間還沒定案,每一檔都搶著要我們,當我們選好後,剛好有位女士大罵這裡騙錢,叫我們不要吃!發生在摩洛哥我覺得她非常有膽色,還勸我們到魚市場自己買,價錢便宜又好吃。
好!決定尋找魚市場,迷了很多路,終於找到了!這裡還有鯊魚賣(汗)!朋友們選了一些再到附近煮來吃,真的便宜又好吃,一會已經清光了!這魚市場不能說很衛生,吃的地方也不是很舒服,也有很多蒼蠅,但就是喜歡這貼地的感覺。
飯後我們繼續閒逛,這裡比marrakech更有古城的感覺,很有摩洛哥的風格,喜歡這裡大於marrakech,人們比較隨和一點,他們向你打招呼不是要你的錢,而是因為歡迎外國人,逗逗我們而已。
今天認識了一位來自Sahaea的男人,我叫他做撒哈拉王子,他替我包了一個撒哈拉頭,當別人問我from china?我會同佢講sahara!哈哈哈哈~也好像有人誤認我是當地人了…..
撒哈拉人示範帶頭巾
]]>
想不到早一天打電話訂座原來他們是不設訂座服務的,所以只好walk in。幸好那天用膳的人不多,我們齊人後取位也不需要等。
餐廳有兩層,下層有張bar枱,可以望著外邊,露天的,很適合飲紅酒邊聊天,感覺好relax。整間餐廳的侍應都是外國人來,而光顧的客人大多都是外國人,感覺自己也高檔起來!哈哈~
上到二樓,環境用上啡色的格調,加上黃黃的燈,感覺得舒服,枱和枱之間也有空間,可能每枱的size都比較大。
開始時送上一些麵包,打開餐牌,好似係意大利文,咁我唯有google圖片啦…..沒理由每個餸都問人吧?點了兩個意粉,發覺份量有點少!每人分一點就已經吃完了,所以又叫多一個。
先說說點了什麼,先點了一個Radicchio salad,沒太大驚喜,和平時外面餐廳差不多,但比想像中大碟。
之後分別點了Orecchiette、Ravioli carbonara 和 Strozzapreti with mussels,全都是我最喜歡吃的,Orecchiette是貓耳朵意粉(Google大神幫到你),帶點煙韌,和意粉口感不同,也不太咸,幾好食;Ravioli carbonara是意大利雲吞,皮不厚,適中,一口放入口都可以,但我當然慢慢品嚐,因為份量實在太少了……之前有聽聞過這菜味道很咸,今天試過,可以告訴大家可以的,沒有過份的咸。最後是Strozzapreti with mussels青口意粉,粉很粗,像茶記烏冬,當然味道是兩回事。
總括來說,三道菜味道不錯!略嫌份量太少,價錢也中高。侍應哥姐姐好似對外國人熱情過對本地人,常常被冷落Orz……..
環境★★★☆☆
食物質素★★★★☆
服務★★☆☆☆
抵食度★★☆☆☆
整體★★★☆☆
PICI
灣仔進教圍16號地舖
餐廳裝潢得不錯,全店白色,有點高貴的感覺,門口還放置了一個甜品櫃,感覺有點高檔。細看menu下發現價錢便宜,不能想像又一城的餐廳會有$59一碟意粉!加上沒人排隊的情況下,就選擇了這間。
企左係門口成分鐘都冇人招呼我地,我見d侍應望到我地但冇理我地,令我要行到入去餐廳叫兩位先有人用對眼苗一苗,我唔知佢係咪示意我果到有位呀,於是我行去裝下,又唔見有位,果個苗一苗我唔知佢係咪想同我講人地啱啱埋單走?
跟住坐低左,都係冇人抺枱同拎餐牌,如果好忙又見到佢地捧餐果d係冇問題可以諒解既,但實際上又唔係,又冇服務員行出黎,唔知呢埋左去邊….之後見到有個睇落返工返得唔係咁開心既男侍應,佢斜啤左我地張枱一下就行過左(汗)
幾經辛苦我地order左一個意粉同all day breakfast,想講d薯條好似攤到凍晒果d淋,而d意粉比起上次上水果間好食少少,但唔夠味。佢隨餐會送熱/凍柚子蜜,如果凍檸茶奶茶果D就要加$8。杯柚子蜜好似柚子茶咁,唔係好凍,D冰溶晒,不過算啦,我都唔想飲太凍。本來想食完飯order個甜品試下,點知search到網上有人話甜品有伏!好彩睇一睇啫。
最後我只能說一分錢一分貨,都知又一城無端端有間咁平既餐廳又冇人排隊應該要留意一下。餐廳服務態度欠佳,食物都係得個靚字,好睇唔好食,聽聞開左業成兩年,希望佢地會改善一下啦….!
環境★★★★☆
食物質素★★☆☆☆
服務★★☆☆☆
抵食度★★★★☆
整體★★☆☆☆
Sweet-O-logy
九龍塘達之路80號又一城UG層UG22號舖
]]>
開頭係比佢個環境吸引左,覺得幾光猛,入面整左好多唔同國家既國旗,幾有心思。之後望望晚餐餐牌,覺得價錢都OK,唔算貴,而自己又好喜歡吃意粉西餐,所以就決定入去。
點左個最普通既蜆肉意粉,同杯熱情果茶。首先想講講個意粉好硬亦比較乾,食落有少少哽住個喉嚨……唔係咁好食,行番屋企時仲哽住個胃!而杯熱情果茶甜左少少,但係可以接受既。其實可以用個靚少少既杯裝,話晒特飲嘛,點可以用茶餐廳洗筷子果D滾水杯呢?即係期望同現實有反差,就算好飲都扣左分喇….
不過值得一讚係佢地在報置係花左心機既,希望佢地接受評價再努力改進,下次食既時候令我眼前一亮啦!
環境★★★★☆
食物質素★★☆☆☆
服務★★★☆☆
抵食度★★★★☆
整體★★★☆☆
海盜王餐廳
上水符興街21號地下