當初朋友說有一天要住四合院，我心想會否很殘舊的？另一些朋友又說四合院很鬧鬼，最好就是圍一在起講鬼故，所以在入住前我的印象的確不太好，到那天才發現一切都錯了！
這間「呆住|幽蘭」算是精品四合院，改建而成的，很有日式的風格，2018年才開始營業，內裡有種散漫的感覺，名字沒改錯，讓人想呆住，煩燥的心也頓時安靜下來。
酒店分上下兩層，每個房間都有一個私人泡湯池，可以在酒店買些香薰包，放到水裡泡溫泉。管家們很貼心，不但隨傳隨到，還教我們用房間裡的設備，早餐是半自助式，味道也不差！
這裡總共有31間房間，有不同房型的，個人喜歡地下層的房間，感覺大一點。而且交通也很方便，離餐廳和地鐡還有便利店都很近；酒店㡴置在東城區本司胡同，很接近王府井，天安門等。
要想體驗的朋友請預先預訂，因為房間實在不多，而且比較新，可能房間難免有點緊張，但這是我個人真心推薦！
呆住|幽蘭—老北京最美胡同民宿
地址：北京东城区本司胡同75号，近东四南大街。
预定电话：021-54019990
]]>
好似今次咁真係一肚氣！話說被安排到參觀位於北京的無印酒店，雖然比深圳那家大很多，而且環境也好很多，但職員的態度卻成了整間酒店的敗北之處！
由進入到離開那刻，那職員都擺出一副「其實我生意多得要三個月後才有房間預訂，你們來阻著我生意幹嘛」的咀臉，然後一句聲也沒哼過，隨便帶我們到一個沒人的餐廳拍照，連房間也沒給我們看過，讓我們沒趣地離開。
#我不明白這是什麽玩法？
#其實參觀前已經有小插曲
#好巴閉咩唔想住
果然一到門口已經見到booking很多，也有很多不同的付款方式，明顯是方便大陸人到此用膳。
我們預訂了一間小房，擺放著兩張圓桌，不一會食物就上滿了整張桌子 。我們以海鮮為主打，也相信這裡最馳名的都是海鮮。由於實在點了太多菜，我無法一一地介紹，大家可以瀏覽我的相片，每個味道都很好！
這個是己拆骨的蟹肉，唔洗另外再動手用工具拆蟹，絆飯還可以吃幾碗，啖啖肉的確好正！
這個蟹粉絲很彈牙，很入味，味道不濃不淡，吃了這麼多濃味食物吃點粉絲中和一下口中味道。
去Bangkok我覺得其中一餐一定要試吃間，海鮮實在冇得輸！吃完很滿足的感覺！
他們有8間分店，總有一間方便你，詳情：
http://www.somboonseafood.com/index.php/ch/branch/index
今晚我地簡左呢價錢比較中價既西餐廳，係食西班牙野。其實學人話齋，冇貴唔貴，只有值唔值。食過之後CP值係高既～
睇過個餐牌，都算幾多選擇，今晚點了幾個菜，先每人來一個南瓜甘荀湯，味道很甜，濃度適中，我最怕飲D太稀既西湯。
之後來個黑毛豬火腿蕃茄沙津，足料而且好大碟，食左之後令人開胃，不過份量太多我要留肚食之後既野～接著我地點左個慢煮八爪魚，再配搭一些薯仔，感覺很像我在摩洛哥時吃的tajin，令我有點懷念。八爪魚一D都唔靭，口感不錯，D汁做得好好，食落好好味。
呢個係紅酒煮西班牙肉腸紅椒，係第一次食，感覺唔錯！紅酒味唔算重，但啖啖都食到有紅酒味，必食之選！
好喇，呢個係廚師推介既：龍蝦尾番紅花燉飯，我見廚師自己都很欣賞滿意呢道菜，果然冇令人失望，隻蝦大就已經不用說，飯的硬度恰到好處，味道十分不錯！
==============
Granada
地址：元朗鳳攸南街好順景大廈3號地下13號
營業時間：12:00 – 22:00
電話: 2899 2787
選擇這間餐廳是因為朋友想試很久，所以決定在這裡幫她慶祝生日。
想不到早一天打電話訂座原來他們是不設訂座服務的，所以只好walk in。幸好那天用膳的人不多，我們齊人後取位也不需要等。
餐廳有兩層，下層有張bar枱，可以望著外邊，露天的，很適合飲紅酒邊聊天，感覺好relax。整間餐廳的侍應都是外國人來，而光顧的客人大多都是外國人，感覺自己也高檔起來！哈哈～
上到二樓，環境用上啡色的格調，加上黃黃的燈，感覺得舒服，枱和枱之間也有空間，可能每枱的size都比較大。
開始時送上一些麵包，打開餐牌，好似係意大利文，咁我唯有google圖片啦…..沒理由每個餸都問人吧？點了兩個意粉，發覺份量有點少！每人分一點就已經吃完了，所以又叫多一個。
先說說點了什麼，先點了一個Radicchio salad，沒太大驚喜，和平時外面餐廳差不多，但比想像中大碟。
之後分別點了Orecchiette、Ravioli carbonara 和 Strozzapreti with mussels，全都是我最喜歡吃的
，Orecchiette是貓耳朵意粉（Google大神幫到你），帶點煙韌，和意粉口感不同，也不太咸，幾好食；Ravioli carbonara是意大利雲吞，皮不厚，適中，一口放入口都可以，但我當然慢慢品嚐，因為份量實在太少了……之前有聽聞過這菜味道很咸，今天試過，可以告訴大家可以的，沒有過份的咸。最後是Strozzapreti with mussels青口意粉，粉很粗，像茶記烏冬，當然味道是兩回事。
總括來說，三道菜味道不錯！略嫌份量太少，價錢也中高。侍應哥姐姐好似對外國人熱情過對本地人，常常被冷落Orz……..
環境★★★☆☆
食物質素★★★★☆
服務★★☆☆☆
抵食度★★☆☆☆
整體★★★☆☆
PICI
灣仔進教圍16號地舖
餐廳裝潢得不錯，全店白色，有點高貴的感覺，門口還放置了一個甜品櫃，感覺有點高檔。細看menu下發現價錢便宜，不能想像又一城的餐廳會有$59一碟意粉！加上沒人排隊的情況下，就選擇了這間。
企左係門口成分鐘都冇人招呼我地，我見d侍應望到我地但冇理我地，令我要行到入去餐廳叫兩位先有人用對眼苗一苗，我唔知佢係咪示意我果到有位呀，於是我行去裝下，又唔見有位，果個苗一苗我唔知佢係咪想同我講人地啱啱埋單走？
跟住坐低左，都係冇人抺枱同拎餐牌，如果好忙又見到佢地捧餐果d係冇問題可以諒解既，但實際上又唔係，又冇服務員行出黎，唔知呢埋左去邊….之後見到有個睇落返工返得唔係咁開心既男侍應，佢斜啤左我地張枱一下就行過左（汗）
幾經辛苦我地order左一個意粉同all day breakfast，想講d薯條好似攤到凍晒果d淋，而d意粉比起上次上水果間好食少少，但唔夠味。佢隨餐會送熱/凍柚子蜜，如果凍檸茶奶茶果D就要加$8。杯柚子蜜好似柚子茶咁，唔係好凍，D冰溶晒，不過算啦，我都唔想飲太凍。本來想食完飯order個甜品試下，點知search到網上有人話甜品有伏！好彩睇一睇啫。
最後我只能說一分錢一分貨，都知又一城無端端有間咁平既餐廳又冇人排隊應該要留意一下。餐廳服務態度欠佳，食物都係得個靚字，好睇唔好食，聽聞開左業成兩年，希望佢地會改善一下啦….!
環境★★★★☆
食物質素★★☆☆☆
服務★★☆☆☆
抵食度★★★★☆
整體★★☆☆☆
Sweet-O-logy
九龍塘達之路80號又一城UG層UG22號舖
]]>
餐廳有分露天雅座同室內，我自己喜歡室內，冇咁熱又唔洗吸二手煙！加上室內環境寧靜，行完一日攰攰地真係想悠閒咁食餐飯，傾下計。
餐廳主打一D綠色健康食物，感覺清新健康，加上環境令人好relax 。今日試左一個意粉同一份三文治，雖然同香港價錢差不多，但份量多少少，你睇下我份三文治大過我塊面喇！意粉不軟不硬，剛剛好，味道亦唔錯！
另外每次黎到，我都最鐘意叫gaga水果茶，大大杯又多生果又好飲，我見好多顧客都叫呢杯，實在不能錯過！佢每個時期都有一D限定飲料，唔同既花茶果茶，今次有杯叫紅顏，賣相都不錯！如果幾個朋友一齊飲就好D，我覺得太大jar一個人好難飲得晒。
呀！有樣重點，佢係有Wi-Fi既，不過我從來都connect唔到，好無奈⋯⋯
去去片先~
環境★★★★☆
食物質素★★★★☆
服務★★★☆☆
抵食度★★★☆☆
整體★★★★☆
gaga鮮語
人民南路2028號金光華廣場一樓(金光華廣場正門)
！話說上水最近都開左唔少餐廳，都各有特色，咁行左一個圈就打算試下呢間。
開頭係比佢個環境吸引左，覺得幾光猛，入面整左好多唔同國家既國旗，幾有心思。之後望望晚餐餐牌，覺得價錢都OK，唔算貴，而自己又好喜歡吃意粉西餐，所以就決定入去。
點左個最普通既蜆肉意粉，同杯熱情果茶。首先想講講個意粉好硬亦比較乾，食落有少少哽住個喉嚨……唔係咁好食，行番屋企時仲哽住個胃！而杯熱情果茶甜左少少，但係可以接受既。其實可以用個靚少少既杯裝，話晒特飲嘛，點可以用茶餐廳洗筷子果Ｄ滾水杯呢？即係期望同現實有反差，就算好飲都扣左分喇….
不過值得一讚係佢地在報置係花左心機既，希望佢地接受評價再努力改進，下次食既時候令我眼前一亮啦！
環境★★★★☆
食物質素★★☆☆☆
服務★★★☆☆
抵食度★★★★☆
整體★★★☆☆
海盜王餐廳
上水符興街21號地下
我地被安排坐左一張大枱，張枱真係好闊，用D廁所階磚整成，放心，唔心既，反而影相出做背景都幾靚！
叫左幾款菜，有一個小食拼盤，佢整到好似摩天輪咁，幾有趣，不過唔好咁大力搖，覺得D食物會飛晒出黎ＸＤ 拼盤入面包括雞翼、魷魚、芝士肉丸、炸薯丸同土耳其包，係芝士肉丸口感有少少怪，開頭唔知佢係咩，有少少章魚小丸子Feel….魷魚就好好食！
另外叫左個Pizza，料係自己選，所以一定樣樣都係自己最鐘意食既先！其實自己唔太算鐘意食Pizza，因為當中有好多野都唔係咁鐘意食，但自選既就好好多~
Drink meun有好多特別野飲，酒精類普通飲料都有，我地各人都點左唔同既野飲睇下咩環境，係好飲，不過有D唔係好抵好細杯，我叫果杯OREO Chocolate就大杯D抵D，哈哈！
環境★★★(5)
食物質素★★★★(5)
服務★★★★(5)
價錢★★★(5)
整體★★★★(5)
ZERO
旺角亞皆老街8號朗豪坊12樓5-9號舖