黎緊我會出發南美呀,真係發夢都估唔到自己會去亞瑪遜森林同馬丘比丘!去呢D高危地方旅行,記得要去打預防針!因為有機會入境時要求你出示,二來聽完醫生講解後,真係覺得好容易會中招或死亡!我當場被他嚇到了。
首先我分享下打針的流程,有一點超級無敵重要的一環一定要注意!
一定要早D預約去打預防針!
一定要早D預約去打預防針!
一定要早D預約去打預防針!
講三次係因為我下個月出發,今個月先預約,原來係會冇位的!預約勁Full,記得早幾個月就去預約,本身我們打算如果不能打針就放棄那邊行程,幸好等了半個多月,終於收到姑娘的電話可以打針,終於鬆一口氣。
另外打預防針全香港只有兩個地方可以打,都係政府的旅遊健康中心(衛生署)可以打,以下資料可參考:https://www.travelhealth.gov.hk/tc…/contactus/contactus.html
**注意私家是冇得打的
一去到長沙灣政府合署,原來要經過死亡登記署才能進入,開頭都找不到那個門口了……推開那度”未經淮可, 不能進入”的門後,就來到打針的地方。
先填了一份表格,內容大約一些個人資料,出發地方,有沒有藥物或病的問卷,填好後交出身份證,就可以等待醫生叫名。
醫生應該一日講左1000次同一番說話,快到我只隱約聽到重點,大約都係話我去果到係好高危,比蚊針都有機會染病死,跟住佢會推介一系列的針同藥比我地選擇打唔打或者要唔要食,好多都有副作用,有d藥仲要番黎香港持續食多1個月,又不能曬太陽等等。
第二重點:打針的當天及之後一星期都不要吃藥!尤其打針那天,無論你中藥西藥都不要吃,因為醫生會怕你有撞左而拒絕同你打針的。
最後我們選擇打三枝:黃熱針(一定要)、傷寒針和甲型肝炎針。因為那邊除了蚊叮蟲咬,水的衛生程度都是其中一個要關注的。另外我們配了高山症藥,以備不時之需。
醫生講解後就要到窗口交錢,請帶備足夠現金,因為只收現金同支票,付款後就可以等打針了。
由於我是朋友中最後打針的,之前聽佢地講打完會手痛,四肢無力等等,而姑娘都有講打完後會有機會發燒或肌肉痛,幸好今天第二天,還沒有出現以上的徵狀。
打針後會有一張證明書,針卡和一些小冊子,姑娘還好好人地教我們注意事項和選擇那一種蚊怕水比較好,而我啱啱買左隻DEET 50%既蚊怕水,到時睇下咩環境再同大家分享下!
原名”阿貓地攤”可能大家都有略聞,後來改名為”貓仙島”因為換了合作伙伴,所以來個大翻新!可能剛開門不久,小貓們都在餵食,還以為一開門會有很多貓走到腳前,哈哈!這裡環境舒服,播著悠揚的音樂,沒想到繁忙的中午我會有點悠閒的感覺。
這裡除了有貓貓外,還有很多不同類型的貓東西,由壁畫到精品小食,都全關於貓貓的,可見店主真的很喜歡貓,主子們也應該樂而忘返了。
看了一看餐牌,選擇種類很多,幸好我強行把同事都拉過來吃,總算可以試多一點東西。我們點了一個水果茶,驚喜原來都是貓貓的茶壺,十分精緻;還有貓貓雞扒飯都甚有特色,不單止賣相可愛,味道也可以的!還有B哥卷,感覺很特別,吃後有點飽….
吃飽了開始行動玩下貓,原來她們還真的很有心會替客人拿來的小貓找一個新的家,如果你都認同她們,不妨出一分錢,可以讓店主有能力護理貓兒的日常生活
餐廳: 阿貓地攤 貓仙島
地址: 銅鑼灣富明街2-6號寶明大廈3樓D室
電話: 2710 9953
————————————
Follow our IG: https://www.instagram.com/lovegirlsss
Follow our Youtube: https://bit.ly/2CDchoM
————————————
▼台北餐廳 – 豬跳舞 Dancing Pig
https://bit.ly/2HRPcB8
▼中環高水準餐廳 – Westwood Carvery
https://bit.ly/2JMf1Vs
▼弘大SNS超人氣粉紅夢幻餐廳 D’FIVE 디파이브
https://bit.ly/2AsVweJ
坐低左一開個PAD點食物,有唔同既牛部份選擇,有好多都幾新鮮未聽過,全部都好勺鑽。好奇下我地點左D冇聽過既牛部份黎試下。除左牛之外,呢到都仲有Cocktail,個名好正,點左杯那些年我們收過的兵,味道還可以。
我地試左個酸菜湯底,點之前我對佢有點保留,所以另一邊叫左個清湯,後來食落又覺得酸菜湯底先係最正,同d牛肉好夾,跟住大家淨係食晒果邊,哈哈哈!
叫左個匙皮,即係牛上面的肩胛肉,軟林林好好食,好滑!佢有張紙寫明邊種肉煮幾耐,雖然最後都冇理到…..
跟住叫左個滑尾龍,放左隻生蛋連埋d牛肉一齊撈勻再放入去打,呢個我最鐘意食,不過每次只食一塊唔係好夠喉,因為太嫩滑了,要打孖一齊食先正
呢碟叫封門柳即係牛橫隔膜肌肉,牛味重d,但肉質都一樣係好林,亦唔肥膩。
呢個叫脖仁,聽個名都知係條頸,不過係頸中間位置,感覺有d似肥牛感,不過新鮮度很高,味道也很不同。
呢碟龍尾朋友話好好食,係牛既後腿肉,一d都唔靱,以為行得多會老d靱d,又原來唔係!
總括黎講喜歡食牛既一定唔可以錯過,價錢方便每人二百幾蚊倒啦,不過基本上好多火煱專門店都係呢d價錢,可以自己衡量下:)
616麥子
地址:尖沙咀赫德道4號The Hart 1樓
今晚我地簡左呢價錢比較中價既西餐廳,係食西班牙野。其實學人話齋,冇貴唔貴,只有值唔值。食過之後CP值係高既~
睇過個餐牌,都算幾多選擇,今晚點了幾個菜,先每人來一個南瓜甘荀湯,味道很甜,濃度適中,我最怕飲D太稀既西湯。
之後來個黑毛豬火腿蕃茄沙津,足料而且好大碟,食左之後令人開胃,不過份量太多我要留肚食之後既野~接著我地點左個慢煮八爪魚,再配搭一些薯仔,感覺很像我在摩洛哥時吃的tajin,令我有點懷念。八爪魚一D都唔靭,口感不錯,D汁做得好好,食落好好味。
呢個係紅酒煮西班牙肉腸紅椒,係第一次食,感覺唔錯!紅酒味唔算重,但啖啖都食到有紅酒味,必食之選!
好喇,呢個係廚師推介既:龍蝦尾番紅花燉飯,我見廚師自己都很欣賞滿意呢道菜,果然冇令人失望,隻蝦大就已經不用說,飯的硬度恰到好處,味道十分不錯!
==============
Granada
地址:元朗鳳攸南街好順景大廈3號地下13號
營業時間:12:00 – 22:00
電話: 2899 2787
其實你問我邊間最好食,我真係答你唔到,間間都好有水準,我最鐘意食黑橋牌條腸!大家可以捐款30元就可以換領滷肉飯連湯一份,叫多幾個朋友黎,一齊捐錢幫到人之餘又可以試晒咁多款滷肉飯,到時分享下邊間先係你首選丫!
台灣滷肉飯節@荷里活廣場
日期:3月31日至4月2日
地點:鑽石山荷里活廣場
]]>
想不到早一天打電話訂座原來他們是不設訂座服務的,所以只好walk in。幸好那天用膳的人不多,我們齊人後取位也不需要等。
餐廳有兩層,下層有張bar枱,可以望著外邊,露天的,很適合飲紅酒邊聊天,感覺好relax。整間餐廳的侍應都是外國人來,而光顧的客人大多都是外國人,感覺自己也高檔起來!哈哈~
上到二樓,環境用上啡色的格調,加上黃黃的燈,感覺得舒服,枱和枱之間也有空間,可能每枱的size都比較大。
開始時送上一些麵包,打開餐牌,好似係意大利文,咁我唯有google圖片啦…..沒理由每個餸都問人吧?點了兩個意粉,發覺份量有點少!每人分一點就已經吃完了,所以又叫多一個。
先說說點了什麼,先點了一個Radicchio salad,沒太大驚喜,和平時外面餐廳差不多,但比想像中大碟。
之後分別點了Orecchiette、Ravioli carbonara 和 Strozzapreti with mussels,全都是我最喜歡吃的,Orecchiette是貓耳朵意粉(Google大神幫到你),帶點煙韌,和意粉口感不同,也不太咸,幾好食;Ravioli carbonara是意大利雲吞,皮不厚,適中,一口放入口都可以,但我當然慢慢品嚐,因為份量實在太少了……之前有聽聞過這菜味道很咸,今天試過,可以告訴大家可以的,沒有過份的咸。最後是Strozzapreti with mussels青口意粉,粉很粗,像茶記烏冬,當然味道是兩回事。
總括來說,三道菜味道不錯!略嫌份量太少,價錢也中高。侍應哥姐姐好似對外國人熱情過對本地人,常常被冷落Orz……..
環境★★★☆☆
食物質素★★★★☆
服務★★☆☆☆
抵食度★★☆☆☆
整體★★★☆☆
PICI
灣仔進教圍16號地舖
餐廳裝潢得不錯,全店白色,有點高貴的感覺,門口還放置了一個甜品櫃,感覺有點高檔。細看menu下發現價錢便宜,不能想像又一城的餐廳會有$59一碟意粉!加上沒人排隊的情況下,就選擇了這間。
企左係門口成分鐘都冇人招呼我地,我見d侍應望到我地但冇理我地,令我要行到入去餐廳叫兩位先有人用對眼苗一苗,我唔知佢係咪示意我果到有位呀,於是我行去裝下,又唔見有位,果個苗一苗我唔知佢係咪想同我講人地啱啱埋單走?
跟住坐低左,都係冇人抺枱同拎餐牌,如果好忙又見到佢地捧餐果d係冇問題可以諒解既,但實際上又唔係,又冇服務員行出黎,唔知呢埋左去邊….之後見到有個睇落返工返得唔係咁開心既男侍應,佢斜啤左我地張枱一下就行過左(汗)
幾經辛苦我地order左一個意粉同all day breakfast,想講d薯條好似攤到凍晒果d淋,而d意粉比起上次上水果間好食少少,但唔夠味。佢隨餐會送熱/凍柚子蜜,如果凍檸茶奶茶果D就要加$8。杯柚子蜜好似柚子茶咁,唔係好凍,D冰溶晒,不過算啦,我都唔想飲太凍。本來想食完飯order個甜品試下,點知search到網上有人話甜品有伏!好彩睇一睇啫。
最後我只能說一分錢一分貨,都知又一城無端端有間咁平既餐廳又冇人排隊應該要留意一下。餐廳服務態度欠佳,食物都係得個靚字,好睇唔好食,聽聞開左業成兩年,希望佢地會改善一下啦….!
環境★★★★☆
食物質素★★☆☆☆
服務★★☆☆☆
抵食度★★★★☆
整體★★☆☆☆
Sweet-O-logy
九龍塘達之路80號又一城UG層UG22號舖
]]>
我諗好少人會入過香港交易所,不如我帶大家入去行一圈啦!
好少拍片,唔好笑我,已經好勇敢踏出第一步,唔洗用太專業既角度睇
去片!!
開頭係比佢個環境吸引左,覺得幾光猛,入面整左好多唔同國家既國旗,幾有心思。之後望望晚餐餐牌,覺得價錢都OK,唔算貴,而自己又好喜歡吃意粉西餐,所以就決定入去。
點左個最普通既蜆肉意粉,同杯熱情果茶。首先想講講個意粉好硬亦比較乾,食落有少少哽住個喉嚨……唔係咁好食,行番屋企時仲哽住個胃!而杯熱情果茶甜左少少,但係可以接受既。其實可以用個靚少少既杯裝,話晒特飲嘛,點可以用茶餐廳洗筷子果D滾水杯呢?即係期望同現實有反差,就算好飲都扣左分喇….
不過值得一讚係佢地在報置係花左心機既,希望佢地接受評價再努力改進,下次食既時候令我眼前一亮啦!
環境★★★★☆
食物質素★★☆☆☆
服務★★★☆☆
抵食度★★★★☆
整體★★★☆☆
海盜王餐廳
上水符興街21號地下