想了解同體驗中國國粹就即刻上Airbare訂購 北京特價機票 跟住我玩啦!
負責人帶我們到每一個房間參觀,當中有化妝間、梳頭桌、二衣箱、粉戲屋、錢包箱等等,親身明白原來每一件衫每一個頭飾做工是這樣精細,這樣有重量。
之後我們嚐試化京劇妝,原來花很多時間心機,用的顏料也有很多不同種類,由幾位老師負責不同的部份,又幾好玩既!好多謝幾位老師幫我化左個特別妝!不過到左落妝的時候就知味道喇⋯⋯
在北京接觸京劇,係一個幾有趣既經驗黎既!有機會著埋佢地D衫成套咁就好喇!
北京风雷京剧团
地址:北京市宣武区板章胡同14号 电话:010-63017386 63188905
http://www.fengleibjo.com/
#令我想起之前幫小朋友畫果D face painting
]]>到你出發果日沙漠之前果日,你要打電話比司機,約佢時間地點,叫佢聽日黎接你,所以電話都好重要(我相信大家都會開張電話咭啦,開電話咭詳情可看:https://goo.gl/tP9Skc)
司機接左你之後,呢幾日佢會帶住你去唔同既地方睇 (事先又唔知會帶你去邊睇),我唔知係咪個個司機帶既地方都係一樣,但我自己想要去既地方佢已經帶我去晒!私人團有一個好處就係你想邊到停車影相休息,佢就會停比你。而跟團一班人價錢係便宜D,但唔會有人就你一個停車囉!
沙漠團唔會一開波就衝入沙漠入面,首先會楂無數咁多既山路,由城市去到高原,由高原去到岩石,一步一步咁邁進沙漠,沿途風景真係好靚,影相係影唔到果種澎湃,雖然曬黑左超多,但都係值得既!
第一日我地去睇完一個一定要睇既景點 – Ksar Ait-Ben-Haddou,中文好多個譯法,英文就只有一個,呢到幾本上都冇咩人唔知,好多電影都係呢到取景,亦都係世界文化遺產,至於詳細我唔係呢到講喇!
果一晚我地住係邊根本唔知,因為一直都冇講過既…..直到之後停車我地先知到左,完全唔知呢間酒店叫咩名,不過係唔錯,周圍都被岩石包圍住,服務生都態度好好又好好笑容,佢地仲幫我地改左個摩洛哥名,奇怪係後來每個地方D人望到我地個樣都講得出我地個名!到晚飯時間後服務生拎左張咭片出黎叫我地幫佢寫TripAdvisor先知原來間酒店叫Hotel Babylon Dades.
第二日重要景點係陶德拉峽谷,我估唔到會去呢到,因為之前在旅遊書上睇過呢個地方好靚,仲想問下司機順唔順路去,點知佢就帶左我地黎了!同埋睇一個洞穴,係古時D人掘井搵水源咁,又收左10DH,不過都值得睇既,仲有杯茶飲下。
第二晚我以為佢安排我地沖個涼就入沙漠,點知入到沙漠入口間Kasbah Mohayut酒店(沙漠真係有入口架,好似分界線咁好神奇)司機就同個reception嘰哩咕嚕咁講左一炸野,之後就問我地今晚住酒店好冇?我懷疑佢好似係book漏左沙漠帳幕所以問我地住酒店好冇,大家商量之後,決定留一晚。(最後係覺得明智的)
我估大家都好關心沙漠呢係點住法,會唔會連人帶喼入去,同有冇水、電、沖涼等等。一路以黎佢都覆有水有電有得沖涼,直到開始進入沙漠果時佢都話can shower everyday. 其實呢就唔係既!
首先有電同有涼沖就只限於沙漠酒店入面,所以你地既相機電話尿袋一定要叉足電先好入去!
第二輕裝上陣入沙漠,你係唔可以帶喼同所有野入沙漠既!D行李會寄存在酒店,第你第二日出沙漠會比番你。沙漠入面亦唔會有涼沖,你唔洗帶浴巾,沐浴露洗頭水入去喇!
第三,記得買水,我地帶左差不多5L水入去,即係平時去BBQ帶果種,4個人都唔係好夠飲咁,沙漠買水好貴(亦唔知有冇得買)。另外仲要頭巾包頭啦!
第四,唔洗怕冇野食,所以唔洗帶杯麵(我地的確為此買了),會有一餐晚飯,都係熱食,平時食開果d,唔洗太擔心。
大約5:00pm開始會帶人入沙漠,其實好多人都係呢到等出發,大概騎個半鐘駱駝就到,之前睇好多文章話騎駱駝超辛苦,其實係OK既,唔辛苦唔痛,不過最好著長褲騎啦…..起程時我突然被掉到另一隊駱駝上路,同同伴分開左,原來最後都係住同一個地方,所謂私人團,原來都係會同其他人一齊訓既!呢個係我對Sahara Private Tour既誤解。
果到所有燈都好暗,有廁所,但冇得沖水,唔好預訓得好舒服,佢係一個個營,唔係帳幕,講野唔好咁大聲,都幾應聲既…..睇完日出,就會騎駱駝出番去。(說好的4×4從沒出現過)番到酒店,沖完涼,司機就車番我地走。
究竟呢個package好唔好我唔識答你,因為我唔知人地點冇得比較,但我覺得過得去,同埋住一晚沙漠已經好足夠XDD
包車呢幾日我地食既午餐,都係一D非常local既地方,通常都係坐滿男人同有好多烏蠅既地方,記得叫左一碟liver食,只係幾秒冇夾,就已經怖滿左4隻以上的烏蠅!但價錢便宜,鐘意體驗既朋友一定喜歡!
p.s 呢幾日裡面我覺得我地個司機幾好,唔會迫你買野之餘當你比人迫害,佢仲會出手相救,見到佢有次在餐廳幫我地講價講到果個人嬲左,司機真係好好人!如果有興趣想包車book車,可以pm我:)
主人房的房間很大,而且設有浴缸,又能作一點輕煮食,一家人或三五知己朋友相信是一個不錯的選擇!
Btw 我覺得全屋重點是這個露台景,每天都會抽點時間出來抖抖,無論是早上還是夜景,永遠是令人著迷。看著月亮又大又低在建築物之間,看得有點感動…..(對呀,每次看到好景色都總會感動)
感謝朋友選擇這樣好的民宿,做了很多research,和業主好好溝通,不是光看它那幾張吸引人的照片。看到hocc的經歷後,覺得準備功夫是不能省的!希望大家都有一愉快的住宿體驗!^3^