自從疫情以來真係好耐都冇真正出黎gathering食餐飯，所以今晚簡左一間感覺幾唔錯既餐廳好好聚會一下。
呢間柞木炭家，係T.O.P This is Our Place商場入面，平時都好少入呢個商場，原來5樓有間韓燒餐廳。我地首先點左一個季節性餐牌套餐，係一個有醬油蟹既套餐，不如首先講下我地點左D咩野食先!
前菜：真露煮蜆
燒烤：壽喜燒和牛西冷, 柞木甕漬牛肋骨
主食：青陽辣炸雞
甜品：雞蛋蛋糕
醬油食品: 醬油蟹
另外叫了濟州八爪魚和海鮮煎蒽餅
佢話就話呢個係二人餐，我想講，三個人食都仲得！職員們都好好，會建議你先食D咩，仲好體貼咁幫你燒埋，講真，如果唔係佢地咁貼心服務我諗我地個八爪魚早已經UN到一個唔知咩地步….
要讚美一下佢燒烤果兩款牛個醬料已經好好味，唔洗再點其他醬料。和牛西冷會跟一個波波飯，職員幫你燒好後會把和牛沾上蛋汁再包著飯給你享用。雞很滑，是韓國的炸雞，不辣的反而有點甜，燒了好一會之後，我們期待的醬油蟹來了，雖然得一隻，但二人還是足夠的，讓人懷念起之前一起到韓國食醬油蟹的時光～～這個蟹味道比較咸，可以配上飯一起吃。
總括來說呢個餐幾有驚喜，味道和質素也好好，加上職員很貼心，值得去試！
Restaurant: 柞木炭家
Address: 旺角彌敦道 700 號 T.O.P This is Our Place 5 樓 501 號舖
